【本報訊】回歸前，胡應湘曾任策略發展委員會委員，他向時任港督彭定康提議，將本港丟空工廠大廈改為發展住宅。回歸後，他常將公屋掛在口邊，跟歷屆特首包括董建華、曾蔭權及梁振英提出過填海、興建公屋的重要性，奈何「都無人聽，無人做，咁咪算。」現任特首林鄭月娥，他未曾向她提出建議。
其中，胡應湘與董建華私交甚篤，與董太亦為小學同學，「當時其實佢接受我嘅意見，但時不與我。」董建華上任後雄心壯志推「八萬五」，惟金融風暴、沙士接踵而至，令建屋計劃消逝於風暴中。除了天時地利，納諫與人和同樣重要。
他又重提1953年石硤尾的一場大火，促成今日的公屋。當年港英政府為了盡快建公屋，向殖民地發展及福利基金借錢，「點解港英搞公屋可以即刻應變，而我哋（回歸）22年都仲唔應變到？」
「既然有暴亂 可搵顧問」
特首未有聽從意見，「顧問治港」亦相當荒謬，明日大嶼顧問費高達5億元，「香港政府做嘢好怪，每年收入四千幾億港元，但公務員支出千幾億，咩人才都有啦，但都要委派顧問。」他以餐廳形容香港施政，「等於成班人，大家都是廚師，今晚去食飯，但唔畀大家出聲，搵福臨門部長點菜，又竹笙又燕窩，搞到呢餐又貴又唔飽，好荒謬。」
他揶揄顧問制度，「既然香港有暴亂、起義，為何不請顧問叫港府點做？所以這個制度好曳。香港問題就係呢度，顧問治港。」