一句「隻揪吖！」令警員PC21304成為全城爆紅人物，好多人爭住應約同佢隻揪，佢更被網民起底，發現原來佢居於大埔，日前市民紛紛喺大埔「連儂隧道」貼佢個樣，叫居民「認X住」佢，小心佢有暴力傾向，但估唔到引起過百全副武裝差人去連儂隧道撕紙仔，網民又點會放過呢班「撕紙王」，即日改圖恥笑佢哋。
吉野家靚抽
話說呢班「撕紙王」有幾十個機動部隊人員，個個配備頭盔、警棍及盾牌等，唔知以為捉重犯，點知佢哋封咗連儂隧道，撕晒入面貼咗警員PC21304資料嘅紙仔，原本由食環外判清潔工友做嘅嘢，竟然出動成百機動部隊做，咁用公帑又有冇問題？
而網民肯定覺得有問題，前晚有網民將動畫《獅子王》海報改成「撕紙王」，又寫上「THE拉人KING」字眼嚟恥笑，又有網民將動畫《Finding Nemo》（海底奇兵）改為「Finding Memo」，引來不少網民轉發及讚好，又有人貼動漫《忍者小靈精》入面角色獅子狗諷刺班差人，連吉野家亦喺facebook貼圖文抽水，畫咗條香港人叫開嘅獅子狗魚卷，大叫以後唔好再叫佢做獅子狗，要叫佢原名竹輪！
李八方