【本報訊】近日不少網民質疑無綫新聞報道偏頗，發動一系列行動狙擊TVB，包括圍TVB活動及抵制TVB廣告商等，無綫日前一連取消兩個活動。無綫昨安排15位港姐候選佳麗在九展見傳媒，網民響應號召到場「支持」，下午約2時，八名戴口罩、部份手持寶礦力飲品的年輕人聚集會場外。無綫如臨大敵，安排保安檢查進場人士身份，會場遠處，三男一女長期監視，不時打電話，場外停泊了三部警車。之後場外聚集了近廿人，分別持標語並高叫：「無綫新聞 出賣港人 抽起廣告 有你着數」等口號，之後便慢慢離開。當中兩位戴上口罩男士接受《蘋果》訪問，表明運動沒有期限，直至TVB不再扭曲，肯客觀報道每單新聞。
何韻詩︰用盡窿罅抗爭
連登仔連日開帖，把TVB藝員將出席的活動詳細列出，號召狙擊行動，由7月14至8月尾都有。其中馬國明除了前晚的活動被取消，周日再被狙擊，問他可擔心？他回覆：「冇得擔心，我都係睇大會安排，我覺得安全最重要，始終係活動啫，唔好有人受傷。」馬明表示尊重每個人聲音：「我都係支持言論自由。」
剛在聯合國發表演說回港的何韻詩，對於網民抵制無綫活動，她說：「好欣賞網民創意，大家用盡所有窿窿罅罅全方位去抗爭，只可以咁做，去令到極權肉痛，當然佩服佢哋，相信佢哋會有智慧並且優雅地繼續去抗爭。」
■記者馬建華