【一個不能少】
【本報訊】一場反送中運動，先後有四名年輕人以死控訴不仁不義的林鄭政府。上周三於長沙灣墮樓身亡的麥小姐，生前好友翁小姐說除傷感外，還要關心身邊戰友，最重要是「政府回應市民訴求，因為對於個社會已經造成深層次傷害，只要一日唔回應，傷痛一日都喺度」。
記者：李雨夢 謝明明
回憶起麥小姐生前的點滴，與麥相識近15年的翁小姐稱，自大學以後，兩人幾乎每日都會保持聯絡，「佢係一個好開心嘅人，完全估唔到佢會用咁嘅方式離開」。翁指出，過去麥不算是遊行示威的常客，但自6月起，幾乎每場反送中遊行集會都有參與，「我哋雖然係分開各自參與，但每次都會text大家去confirm係咪安全」。翁不察覺輕生前的麥有何異樣，「只係同佢傾偈嗰陣佢會repeat好多次心好攰，但嗰期大家都心好攰……」。
遺書：無力感令人煎熬
翁憶述最後一次和麥互相通訊息是7.1早上，「嗰時佢好早就出咗去金鐘，仲send咗張相話畀我聽佢位置喺邊」，翁自責說：「如果我之後嗰日有搵佢，會唔會一切就唔同？」麥其中一封遺書給翁，翁獲麥的家人同意，把其遺言公開，「主要係講對唔住，之後冇辦法再一齊出去影相，同埋話畀咗兩張優惠券我」，反映麥臨終時仍關心朋友，「我當時handle唔到自己情緒，喺地鐵站喊咗成個鐘先去拎封信，但當時已經sense到佢嘅離開同政治有關係」。據了解，麥另一封遺書寫有「不是民選的政府是不會回應訴求」、「甚麼也改變不了的無力感令人煎熬」等字句，其朋友認為麥就是要求政府回應訴求，讓港人得到應有民主權利。
對於接二連三有人以死控訴當權者，翁說「睇唔透」，她不會判斷對與錯，但也不鼓勵。對於身邊戰友，她明言一個都不能少，認為需多關心身旁的人，惟再多的陪伴也難解現時社會上已造成的深層次傷害，「其實我冇諗過連佢咁樣嘅人都會離開，可想而知有幾絕望，政府一日唔回應訴求，個傷痛一日都會喺度」。民間自發昨晚於中環愛丁堡廣場為麥舉行追思會，祭壇掛上白布寫着「代你走下去」，設有獻花和點蠟燭環節，並有禱告及連儂牆，亦有輔導員，讓參與者分享感受。由於麥生前喜愛攝影，現場有展出麥的攝影作品。
約500人出席追思會，包括立法會議員陳淑莊、藝人葉德嫻、發起林鄭月娥中學母校嘉諾撒聖方濟各書院聯署反送中的發起人、林鄭學姐何芝君等。他們手持蠟燭及向麥獻花。葉德嫻直言接二連三有年輕人輕生屬不幸，希望跟年輕人說：「我哋要放長雙眼，睇吓啲壞人點樣折墮，唔好死，放長雙眼。」