【拆局】
由網民發起的「經濟制裁CCTVB行動」似略見小成，部份知名品牌似對抽廣告呼籲作正面回應，但有廣告業人士質疑，不排除個別品牌剛完成季度廣告計劃，眼見近日社會形勢不利推廣，才借勢暫緩下季度廣告，「要睇多一兩個月甚至幾個月，先知係咪真係抽唔再落」，但也指出，網民力量在網上平台肯定產生影響，如燃燒至無綫藝人身上，廣告界肯定頭痕，「唔知搵乜人拍同做代言人」。
燒至藝人 影響難估計
有熟悉在電視平台投放廣告（TVC）的廣告業人士分析，跟電視台簽下的廣告時段，不少是以年度計，加上合約複雜，「基本上唔可能話抽就抽，甚至冇得抽，就算唔播新廣告片，都會播番舊片」，故近日多個品牌稱不再於TVB投放廣告，不排除是剛好完成一季度的TVC。
該人士直言，現時TVC多配合網上平台一同推出，「但睇現時網上個勢，都係講一件事，就係反送中，廣告通常賣開心嘢，吃喝玩樂畫面，本來好啱暑假播，但家陣個世界冇呢個mood，推呢啲廣告出街，冇人想睇，即係冇效果，隨時俾人鬧番轉頭」，故此，已有不少客戶提出暫緩廣告計劃。
不過，由於要兼顧網上世界，該人士不諱言令大家製作時多了顧慮，例如「驚講錯嘢、抽錯水，隨時被圍攻」，另一憂慮是原來不少廣告都會跟在TVB亮相的藝人合作，如現時行動進一步燃燒，例如變成杯葛無綫藝人，影響便難以估計。