龔嘉欣昨日到尖沙嘴為品牌時尚店開幕禮擔任嘉賓，她早前拍劇期間因耳水不平衡入院，昨日見她精神不俗：「其實𠵱家仲會成日想嘔，去到邊都搵定地方嘔，費事嘔落地要人清潔。之前出外景，袁文傑幫我擔遮，啲同事又畀水我飲，重點照顧我。噚日我都係瞓咗15分鐘，不過仲有兩個星期就拍完。」
劇集煞科後，龔嘉欣會放假休息：「已經諗定去旅行，約埋江嘉敏去，不過中間都有活動，又要宣傳新劇。」龔嘉欣表示於新劇狂喊：「返去做配音嗰陣，發現自己喊到好似割咗雙眼皮咁，大家放心，我冇割。」談到她為品牌時尚店擔任代言，龔嘉欣笑謂代言費已「嘔凸」：「拍廣告嗰日已經買咗三個手袋，之後自己同朋友又買咗。」
採訪：盧妹
攝影：陳俊強