蕭正楠和黃翠如昨日以夫妻檔現身銅鑼灣出席活動，蕭正楠即場獻唱《夏日傾情》送給太太，他說：「我哋結婚時現場有live band，我唱咗首《為你鍾情》畀佢聽。」翠如即踢爆：「我未喊，但曹永廉先喊，唔知佢係感動定感慨，連影相都要企中間。」阿蕭笑言：「佢成晚都好似好唔開心咁，可能覺得以後冇咗我，講感言仲講到喊，差啲要斟埋茶畀佢。」
阿蕭最近和曹永廉一同拍劇，他表示劇中兩人要發展出「HeHe」情兼有咀戲，翠如就大爆老公事前要用漱口水：「佢平時拍咀戲都唔使，今次佢就話要。」阿蕭就解釋：「漱口水畀阿廉用㗎，我個口唔臭你知㗎。」
採訪：曹家誠
攝影：陳俊強、馮嘉銘