【本報訊】「呢度咁多人，個個住屯門㗎嘛，唔好咁自私，應該為吓我哋住屯門嗰啲正經男人。我哋要話畀全香港人知，屯門啲男人唔係個個都咁鹹濕嘅，OK？」遊行隊伍中，一位穿黑衣的中年男子義憤填膺道出他昨日上街的原因。
跟正經男一樣不滿康文署處理公園問題手法的，還有從事設計的甄先生，他居於屯門30多年，參與遊行是要求康文署和警方執法，正視屯門公園噪音及違規演出等問題， 「呢個大媽問題已經維持咗10幾年，呢5年更加惡化」，不但集團式賣唱，更越來越擾民，甚至大跳色情舞，敗壞風德，令公園變得烏煙瘴氣，「有啲良家婦女被啲鹹濕伯父上下打量，以為喺嗰啲大媽」。
護士李小姐已曾參與近期的反送中運動，她自幼在屯門長大，但對屯門公園越來越陌生，「屯門公園應該係一個畀市民去休憩活動嘅地方，唔係畀一班所謂表演者侵佔，收錢作咁傷風敗德用途嘅地方」。她指，屯門公園問題積存已久，但從沒收斂，「希望政府真係要正視」。
斥大媽噪音擾民
從事採購的李先生為盡公民責任，亦帶同3歲半女兒一家三口上街。他說在屯門居住20多年，自2003年後開放自由行，屯門公園便開始變質，尤其近5年更變得不雅， 「如果大媽唱歌係自娛就算，但引埋啲老人家嚟睇，唔知有冇真係不法交易，但始終冇攞牌（申請）喺度嘈喧巴閉，比較影響公眾秩序」。李太續說，從新聞見有表演者衣着暴露，動作更十分反感，「如果畀小朋友見到，我都唔識講」。二人希望今次遊行能讓政府聆聽屯門人的聲音，也盼能呼喚各區關注，「自己嗰區自己救」。
60後家庭主婦孫太並非住屯門，但也響應年輕人呼籲，跨區參與遊行， 「多個人多份力量，我哋都有voice（聲音），唔係得年輕人不滿」。她本身家住粉嶺，胞姊則住屯門，這天代她上街。她說，每次到屯門探望胞姊，都感受噪音滋擾，「所以要上街表達吓，希望政府會聽啦」。
遊行人士以年輕人為主，李同學家住屯門，他指大媽問題在開設了通往內地口岸的新巴士線後變得嚴重，噪音擾人，居民多番投訴，但康文署始終沒有任何措施改善。
■記者王家文、凌懿君