馬德里體育會前鋒基沙文過檔巴塞隆拿一事，到現時為止都未有進展。
馬體會就上星期五突然發聲明怒轟巴塞同基沙文，批評巴塞要求延後畀1.2億歐元贖身費係「不尊重」嘅舉動，令呢單交易演變成一場鬧劇。基沙文喺上季已經透露自己會喺今個夏天離隊，正當所有人都以為巴塞會喺7月1號用1.2億歐元出手，巴塞會長巴杜美喺記者會竟然話，雙方上星期四先首次會面。
至於新加盟巴塞嘅22歲荷蘭中場法蘭基迪莊，上星期五終於喺魯營球場亮相，仲公開拉攏前隊友馬菲斯迪歷特過檔巴塞！另外，迪莊嘅前東家阿積士仲買咗西班牙《世界體育報》、加泰羅尼亞體育報嘅頭版廣告，同埋喺巴士登廣告，向巴塞同迪莊送上祝福，真係有情有義！