林嘉欣日前在尖沙嘴宣傳電影《掃毒2天地對決》，戲中飾演劉德華太太的她，她說：「同華仔識咗好多年，首次同華仔合作，好多驚喜，一齊合作默契好好。」嘉欣表示戲中對華仔有很多肢體動作，掃背脊、拖手、掃頭髮：「日常呢啲親密動作都喺電影裏面，我哋唔係打得火熱，係溫馨，自己經歷做太太，好自然帶入戲，平時對老公都有呢啲動作，係認同嘅表現。」
談到首次穿婚紗，嘉欣說：「華仔見我着婚紗走出嚟，佢即刻衝埋嚟扶住我，但係都未開機，佢就自動自覺走埋嚟，我覺得佢好有紳士風度，嗰刻自己都有面紅，我話唔使啦唔使啦，有少少唔好意思，佢好體貼。」為何從來不影婚紗相？她說：「心中有就得，現實生活簡單，越平淡越好。」
採訪：張俊銘
攝影：仇志德
場地提供：The Mira Hotel