埃及中場艾馬華達因喺社交媒體上性騷擾被踢出國家隊，不過利物浦球星穆罕默德沙拿向足總施壓，將艾馬華達重召返埃及國家隊。
近日被性騷擾嘅埃及裔英國模特兒姬娜透露，俾沙拿搞到勁擔心自己安全。沙拿喺twitter度維護艾馬華達：「女性必須得到最大嘅尊重，但我相信犯錯嘅人係可以改變，值得有改過機會。」沙拿咁講，令姬娜喺網上收到幾千條人身攻擊嘅訊息，成為人民公敵，佢話：「沙拿喺埃及就好似上帝。我家陣唔敢返埃及探屋企人，驚俾人喺街打。」
沙拿家陣代表埃及出戰非國盃，星期日A組分組賽尾輪，沙拿主射罰球建功，幫東道主埃及以2:0擊敗烏干達，3戰全勝以小組首名晉身16強。