祖雲達斯禮拜五官方宣佈，主帥艾基利會喺季尾離隊。呢位51歲嘅意大利籍教練由2014年上任，並帶領祖記五奪意甲冠軍，完成八連霸偉業，另外四奪意盃冠軍，仲喺15年同17年兩度帶領球隊殺入歐聯決賽，可惜都係輸波收場。據意媒報道，艾基利離職主因係唔滿意總監尼維特聯絡前任主帥干地傾回歸嘅可能性，令佢覺得被背叛。現時有傳干地、迪甘斯同摩連奴都係下任熱門人選。