舊年漁護署搵咗「音樂情人」鄭子誠化身「生態情人」拍片，介紹香港大自然嘅生物多樣性，最近佢哋又再搵「生態情人」合作，仲搵埋宣傳香港生物多樣性嘅「B仔自然教室」嘅B仔一齊拍片，不過條片嘅名就有啲嚇人，叫「生態情人的陰謀．上集」。
提醒對方唔好破壞生態
其實「生態情人」喺條片入面冇乜嘢陰謀，只係B仔懷疑鄭子誠做咗「生態情人」後越嚟越受歡迎，覺得冇咁簡單，鄭子誠點會冇陰謀？於是跟蹤佢行山，行行下見到鄭子誠喺橋度偷偷地行埋小朋友度。B仔以為鄭子誠想對小朋友不利，原來佢只係提醒小朋友唔好掟石仔落河破壞生態、亦唔好亂咁餵野生動物，因為太多餵食會令野生生物失去自己覓食物能力，應該等佢哋喺大自然自己搵食物，咁先可以保持大自然不受破壞，亦可以維持生物多樣性，所以「生態情人」係冇陰謀嘅。如果大家想睇條片，可以去「B仔自然教室」fb專頁就睇到。