這幾日，大灣區規劃綱要是熱門話題，但出乎意料，飯堂大媽大叔歎住燒賣魚蛋（唔係醫管局攞景那些）吹水的，竟然是大懵司機將21萬現金遺忘在車頂，駕車離開時現鈔隨風四散，尾隨車cam拍到市民湧向從天而降的金山銀山，喜非常！派錢的車公，無得頂！幣少又唔係第一次遇上，但這位車主，放21萬cash在車頂，跟朋友傾完一輪閒偈，當車頂上的「碎銀」無到，車主極有可能是劉公子二世，公子十歲生日數老竇贈送的十萬蚊，high過吹蛋糕蠟燭。這位車主有冇數過車頂的銀紙？新聞說，紙幣全是大牛和金牛，車主說，是打算用作派利是。由車公點醒那天起到元宵節，自覺被虛度的香港人，O嘴解讀，收到車主這份遲來的大利是的幸運兒，包括誰？政府派四千銀都要等足一年才落實，申請又甩轆出糗，點解唔好似呢位仁兄，現兜兜派牛利是呢。林鄭膽自大，早就派過五百蚊畀自由行乞丐，難道我們港豬連強國乞丐都不如？
無論撒幣或者領到金牛利是，預咗無份的香港人，仰望大灣區個規劃大餅，計吓有冇機會啃到一點餅碎，那點餅碎，夠優化升呢全港公廁，便民能共享免治馬桶，爽呼deeper也不錯了。