姜濤和梁業（肥仔）昨日現身《蘋果動新聞》，參加年初三《動腦Q：新春Q多寶》加場版，在遊戲開始前，主持譚淇淇問二人是否喜歡吃東西？肥仔笑稱比不上姜濤：「啲人以為我食好多嘢，但係我只係揀飲擇食，食啲好好味嘅嘢。」再問最愛食的新年食物？姜濤最初說：「我一年冇分話會食啲乜嘢。」肥仔寸姜濤只需keep住食鮑魚，姜濤耍手兼擰頭說：「唔好！」
昨日節目問新年必備的金幣朱古力，二人便分享劣食經驗，肥仔說：「我試過去批發買啫喱，一打開已經水汪汪，啜落去仲一陣臭味，真係想嘔。」姜濤則說：「每次行年宵都會買冰糖葫蘆，不過只係會食一粒，真係好酸。」
採訪：唐琛悠
攝影：沈健程