洪金寶成為今年香港國際電影節的「焦點影人」，昨日他現身荃灣，為特刊拍攝封面。回顧過去的電影生涯，洪金寶認為最具代表性的電影是《東方禿鷹》，他說：「香港冇乜人拍呢類事件，拍完先知香港嗰陣對自己國家民族較弱，香港始終英聯邦法律下長大，到李小龍出現，香港人嘅民族性強番好多。」
農曆新年將至，洪金寶透露會舉家去日本外遊，問到是否兒子洪天明負責找數？洪金寶笑說：「阿仔個老竇請，有大食大。」洪金寶剛過67歲生日，他說：「任何時候都鍾意同屋企人一齊過，大孫仔送咗頂絨帽畀我，細孫送咗條大圍巾，啱晒我用，可以帶去工作。咁多年最有用就係呢兩樣嘢，過往都係蛋糕、手錶，相信呢啲都係老竇主意，但我都好開心。」洪金寶生日願望就希望長命千歲，和後輩孫仔一同生活，可以五代同堂。
採訪：卓寶花
攝影：陳慧安