話說除夕一架城巴撞爛高鐵西九站路牌，路牌整番唔夠一日，又輪到九巴喺同一個位置出事！
元旦清晨5點幾，讀者譚先生途經西九龍站對開，見到一架九巴撞咗埋限高牌，即係除夕撞車嗰個位置，好彩當時巴士上冇乘客，車長亦冇受傷，可自行倒車，但巴士上層車頭就嚴重變形，擋風玻璃亦爛晒。其實，現場只係限制3.1米車輛駛過，巴士一撞埋去就卡住。
疑不熟高鐵站環境
譚先生估計，司機係仲未熟悉高鐵站環境，所以先一連兩日有巴士行錯路。港鐵回應話，清晨5時35分，涉事巴士撞到上落客區入口頂部牆身及路牌，事發位置只供的士、私家車及小型貨車等車輛使用的入口，現場亦有標示指出設有高度限制。港鐵指，前日意外後已隨即安放新路牌，不料再被撞毀。港鐵將與相關巴士公司溝通，了解巴士行錯路的原因，研究是否有改善之處，以防止同類事件。
九巴回覆稱，一輛2E線九巴雙層巴士，沿連翔道往西九龍高鐵站入口隧道行駛時，巴士上層碰到高度限制牌，車長倒車時車尾再碰到草地石壆。巴士上層左邊車身及車尾有損漽，事件中沒有人受傷。
前一日，即除夕上午9點幾，一架由機場往紅磡的A21線城巴疑行錯路，駛入高鐵站私家車上落客區，撞毀高度限制牌及路牌，據悉，現場保安員見到巴士駛埋嚟，曾揮手示意，仍無法阻止意外發生。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。