機電工程署今年成立70周年，署長薛永恒噚日宣佈，今年9月位於機電署大樓入面、佔地約8,000多平方呎嘅互動學習中心正式開幕，專門供機電署轄下約700名學員利用創新科技進行學習。
呢個中心耗資約過百萬元，內設虛擬導師，學員可透過平板電腦等，以三維立體圖像透視整幢機電署大樓的機電系統，好似冷氣系統等，慳番以前要實地去睇，或將機件拆開先能了解組件嘅工序，中心又製作了一套啟德郵輪碼頭海港行人登船橋嘅模擬維修系統，只要帶上VR眼鏡，學員可完全模擬整個維修登船橋過程，等學員正式實習時更易上手。除咗維修，原來連燒焊亦可透過電腦模擬練習，學員帶上燒焊頭盔同使用假焊槍作練習，但焊槍重量與真焊槍一樣，焊枝亦會「越燒越短」加強真實感，但更安全同環保，佢哋期望透過創新科技，可以吸引更多年輕人入行。