胡杏兒與胡定欣昨日在尖沙嘴出席聖誕活動，定欣希望跟去年一樣，胡說八道會姊妹們可以齊人開聖誕派對，杏兒說：「上年都有交換禮物，仲投票邊個份禮物最冇誠意，結果大家投咗豹哥（單立文）買嗰隻菠蘿杯。」
三料視后定欣希望好姊妹黃智雯繼前晚雙料視后後，能再下一城，她說：「咁到時聖誕節可以慶祝埋佢，仲叫佢出埋錢。」定欣指杏兒家庭事業兩得意，杏兒聞言後笑說：「你都會，我不停幫佢留意，噚日坐飛機時，都有望吓隔籬位有冇戴戒指。」杏兒早前傳再度懷孕，她說：「係傳，如果有好消息實講畀大家知。」問到之前馬爾代夫是否造人之旅？她說：「咁都要做嘅，有咁靚嘅環境。」
採訪：馬建華
攝影：陳俊強