日光日白找錢黨喺上環搵食，認真夠膽！噚日下晝2點幾飯市繁忙時段，有個光頭男人走入上環水坑口街一間越式餐廳，佢趁唔少客人埋單收銀員忙緊收錢，就博大霧落單叫個咖喱牛腩飯外賣。當時佢攞住張銀紙喺收銀員旁邊掩掩揚揚，但好快手就收番埋張銀紙，之後佢就話畀咗500蚊，叫個收銀員找番錢畀佢。好彩個收銀女職員醒目，話睇番閉路電視囉，結果嚇到騙徒走夾唔唞。
從閉路電視片段所見，個懷疑找錢黨騙徒係一個着住背心、戴住黑超嘅中年男人。當時佢先喺餐廳門外打量咗一陣，之後就走入餐廳直接走到收銀櫃枱隔籬，趁其他食客埋單走人，佢就聲東擊西同收銀員落單叫外賣，仲詐假意右手攞住張銀紙向收銀員揚咗一揚，之後即刻右手交左手，將張銀紙袋番落左邊褲袋。當收銀員收完其他客人錢招呼佢嘅時候，佢就扮已經畀錢，叫個收銀員找番錢畀佢。
話驚抄牌一走了之
收銀員胡小姐話喎，自己忙緊收錢，但個騙徒冇排隊走埋嚟，落單叫外賣，仲不斷問「有冇得跟湯？有冇嘢飲送㗎？」企圖渾水摸魚、擾亂視線。個騙徒係講流利廣東話，佢言之鑿鑿叫找錢嗰一刻，胡小姐話自己一時間都懷疑係咪收過佢錢，但諗深一層確實係冇，咁自己梗係企硬啦。所以當時佢冇俾對方大到，即刻打畀經理，仲向個騙徒講話可以睇返閉路電視「巡邏影片」。
果然個騙徒聽到咁，疑心虛知道事敗，胡小姐透露對方藉口話泊咗車喺隔籬街，驚抄牌轉頭再返嚟，結果就一走了之。胡小姐話好彩冇中計，事後老闆仲讚佢做得好。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。