搭車時玩手機、睇片係香港人習以為常嘅事情，但如果司機揸車時咁做就認真危險。讀者劉先生前日夜晚搭巴士返屋企時，就見到車長開車時疑似玩手機，更形容巴士一度同前車距離好近。
前晚大約10點半，劉先生喺佐敦炮台街乘坐往屯門方向嘅260X號九巴，當時巴士都幾滿，所以劉先生企喺司機位隔籬。巴士之後駛上3號幹線，劉先生話留意到車長不時望倒後鏡，細心睇先發現車長右邊放咗部手機，懷疑正播放色情影片，直至察覺有人望住先收斂。
乘客：一度跟車太貼
劉先生話巴士去到屯門公路轉車站，近半乘客落車後，車長又故態復萌，佢懷疑車長用手機玩遊戲，更一度同前車距離好近，「肯定冇兩秒距離」，於是馬上拍低影片。當中見到車長左手揸軚盤，右手就不時㩒手機屏幕，畫面疑似遊戲。
劉先生忍唔住開口指摘：「你𠵱家玩完未，知唔知好危險？」點知車長辯稱遊戲畫面係「WhatsApp彈出嚟」，控制唔到，更嘗試熄mon但唔成功。劉先生直斥車長行為過份，更提早落車，佢指由於車上冇車長資料，所以只能記低車牌向九巴及運輸署投訴，並將片段放上社交媒體，希望市民留心。
九巴發言人回覆時話，正調查有關個案，指車長須嚴格遵守工作守則，確保行車安全，車長行車期間不可用手機、通訊及音響器材，仲話如果有車長違反相關守則，九巴會作出紀律處分。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：63836568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。