紅色的跑車可以有幾神秘？讀者黃先生上星期日夜晚7點半左右，喺飛鵝山沿扎山道揸車落山時，發現前面一架的士嘅車頂上坐咗幾個人，仲不時喺車廂同車頂之間捐出捐入，過程驚險，而的士全程竟然照常行駛，令人費解。
捐出捐入玩自拍
黃先生指佢數過的士上最少有6名乘客，望落全部係未夠20歲嘅南亞裔青年。佢話的士沿路落山時，佢哋幾個人不停捐出的士車頂，然後自拍，之後又捐返入車廂中，但有一個人一直瞓係車頂，直至將近落到山腳時，嗰位青年先至跳落地面，然後開門上車，成個過程太約5至6分鐘。
好彩當時的士車速唔係太快，冇發生意外，不過黃先生話唔明白點解的士司機容許乘客做咁危險嘅動作，形容事件「梗係奇怪，揸咗十幾年車都係第一次見！」