全世界只得香港書店被迫炮製包膠春樹。政府拍片叫市民唔拎膠飲管，但逼迫書店對「刺殺騎士團長」包膠。包膠係咪要徵收膠袋費？俾五毛子造孽，增加堆填壓力，製造人為污染，淫審處禍延海洋、郊野和香港下一代！只有「龍虎豹」眼界，將「刺殺」歸為同一類二級不雅的淫審處，點會做出這種「以咁嘅智慧，真係處理唔到」的蠢斃決定？有可能係：
一：得幾條毛的立會議員做埋淫審兼職，一聽見書中的陰莖與奶油，文盲嘅佢亢奮自high：今次，髮膠與性交，都要跟身上飛機！佢條友超戀膠，真係有需要。
二：村上春樹撐雨傘運動，講過永遠站在高牆的對家，即是雞蛋這一邊。家下，高牆，尤其係法國高牆，敏感得厲害，雞蛋，就算只得一粒，都當社團扮，必須取締。包膠，包到變膠蛋，就包唔會揹鑊。
三：淫審處冇贈券睇騷，冇jetso，所以蓄意唱黃子華金句「面斥不雅」的反調。紙係包唔住火，但膠封得住交，包膠佢！膠盆𠺘口！淫審中意大撕裂，包你難逃陰莖被包膠的厄運！