如果你係《男兒當入樽》迷，又鍾意籃球鞋，咁就冇理由冇留意近期ASICSTIGER出咗一對GEL_PTG的復刻款波鞋。這對鞋最引人注目的當然就係，佢係以《入樽》裡面，有最強高中生之稱的澤北榮治所著的戰鞋Fabre Point Getter復刻改版而成，保留復古外型之餘，更加入ASICS fuzeGEL 緩震技術及OrthoLite鞋墊等近代技術，令這經典舊款鞋，有新款鞋的舒適度！而除了澤北，漫畫中三井壽穿的白紅配金色太陽的Fabre Japan亦是同款球鞋，早年復刻更是keep住斷市，所以今次出GEL_PTG，無論在日本還是台灣都引起極大關注，台灣更是一鞋難求！
講咗咁耐，呢對注目新鞋終於到港，對一眾大男孩當然係天大喜訊，不過原諒我要一啖砂糖一啖屎，事關今次香港開賣的，只有低筒版，而非《入樽》中的高筒版，著黎出街配襯係易啲嘅，但......高筒就是經典，就是情意結啊！可幸的是，今次香港亦入齊白黑、白紅、黑白三色，用嚟頂住癮先都可以接受嘅，不過，都係希望香港都會有高筒喇！（哭）
記者：韓繼聰
即Like全新飲食專頁【籽想好食】： https://www.facebook.com/food.appleseed/