《高智能方程式》呢套動畫相信好多80、90後都有睇過，入面嘅主角風見隼人同布林多加賀固然人氣高，入面幾部電腦導航嘅跑車，好似「雷神」、「凰呀」咁，到今日仲係好多粉絲熱捧，日本玩具生產商至今仍然有產品推出，唔止長賣長有，有時仲要食炒價先買到，今個暑假《高智能方程式》嘅粉絲開心，有機會係香港睇到《高智能方程式》展覽同1:1跑車模型。
明日開始到9月2日，尖沙嘴海港城嘅LCX就會有《高智能方程式》展覽，包括1:1嘅初代雷神Asurada G.S.X、凰呀OGRE AN-21，同埋超級雷神Super Asurada 01，同時亦有原著創作手稿同經典動漫畫展出，當然唔少得嘅係有唔少限量首賣貨品出售。