資訊科技界立法會議員莫乃光（Charles）早前右耳突然失聰，現正接受治療，據聞情況正在逐步好轉，但呢段時間休息都好重要，所以佢上周五晚出席業界活動後，呢兩日都留家休養，好似噚日行管會開會，身為委員嘅Charles都無現身。
佢回覆八方時指，今日都會留喺屋企休息。雖然暫時未復出現實世界，但大家一樣可以喺網絡同Charles交流，皆因佢都喺facebook頻密update業界內資訊，好似今朝就po咗匯豐預測未來嘅新職位中，IT界最吃香，繼續同業界無休止connect。
查實Charles現為民主派會議召集人，由於呢個立法會會期即將完結，咁啱佢就係時候卸任，可以減輕一下壓力同負擔。據聞10月復會時嘅新一位召集人會係「議會陣線」嘅毛孟靜，民主派稍後就會正式敲定。