練馬師文家良今季暫時取得20Win，其中有九場由騎師潘頓經手，今晚（4日）二人獨於角逐第三場四班1200米的「幸運飛駒」攜手，戰意固然百分百。
「幸運飛駒」在港前後兩季，潘頓只響上季尾跑過一次，響三班68分輸唔夠一個馬位，事隔逾年吼準新降四班出擊，潘頓終再操刀，更幸運地抽得4檔。一方面重磅實跑得；另一方面亦同文家良晨早約定，今戰肯定有計。
而且馬主老友記團體另一隻「實力飛駒」，仲有成員例如雷聲傳，遠有早兩年嘅「阿甘」，近有上個月「傳奇」都係經佢手贏，依家雷神殺到埋身得番三Win差距，眾志成城為潘頓贏冠軍，點都應該有啲嘢睇啩？