青年新政梁頌恆和游蕙禎前年11月立法會宣誓風波入面，聯同三名助理欲硬闖立法會會議室，被裁定非法集結罪成，各人入獄4周，而游蕙禎等3人仲即時入獄，好多網民關心游BB監獄入面嘅生活點，原來早排有朋友探過佢，話游BB情況良好，游BB亦託人喺fb代為出post，叫大家唔使擔心。
「有咩下月出嚟講」
游BB友人喺facebook話已探過游BB監，話游嘅情況良好，仲見到笑容，而游會有信件寄出，游昨亦託人代佢喺fb出post報告近況，話自己一切安好，叫大家不必擔心。個post仲附上一幅相信係游BB親手畫嘅公仔，有多個大笑臉，寫道：「I am fine，不用擔心，我適應到，有咩我下個月親身出黎（嚟）講」下款為「ywc 06.06.2018」，即係張公仔喺游入獄後第2日畫。
游BB朋友喺fb話，歡迎各位朋友寫信畀游，星火同盟話會代收集信件畀游蕙禎等3人。據知游被安排羅湖懲教所服刑，每日朝早上6時15分起身梳洗及清潔囚倉，7時半輪流食早餐，9時工作；女囚犯不會被強制剪髮，只要紮起頭髮，乾淨企理便可。
李八方