新一屆新世界維港泳會喺10月21號（星期日）舉行，主辦單位噚日宣佈優悠組參賽名額加碼，總共3,600人，比賽亦提早30分鐘，今日起至8月1號就可以網上報名。
今年參賽路線一樣，都係由尖沙嘴公眾碼頭游去灣仔金紫荊公眾碼頭。優悠組名額有3,000人，比舊年多咗600人，而競賽組就維持600人。大會今年亦加多1隻醫療監察船，一共6隻，將會喺1公里嘅參賽水道上面，每隻船嘅距離大約150至200米，救生員就維持200個。
上年維港泳抽籤甩轆，有267人中籤但變咗落選。呢批健兒今屆就唔使抽籤喇，仲可以優先入到優悠組，部份參賽費用都有得減，不過都係要過咗水試先有得參賽。
新世界維港泳網址： https://www.hkharbourrace.com