香港發現新品種嘅壁虎，命名「香港半葉趾虎」。浸會大學生物系講師宋亦希率領嘅團隊用咗一年，終於核實到呢種壁虎係香港獨有嘅品種。
宋博士話，呢個發現好難得，意義重大，佢都好興奮咁話，「可以畀到一個名畀壁虎，希望可以引起市民大眾嘅重視，因為係值得保護」。點解咁值得保護？除咗係香港獨有品種之外，亦都係香港唯一一種半葉趾虎，係體形最細嘅壁虎，全長唔超過8厘米，手指同埋腳趾都好特別。
未能確是否瀕危
宋亦希釋話：「你睇佢嘅手指好似葉咁，每隻手指都分開兩塊，而背部同尾巴嘅花紋都唔同，外形係身長腳短」。目前研究團隊只係喺香港島、石鼓洲同埋蒲台島發現過佢哋嘅行蹤。而現時仲未能確定係咪瀕危物種，宋亦希希望以後可更多進一步研究。