現在流行開放式單位，雪櫃都唔再屈就在廚房之中，出得廳堂都好緊要。不過一般雪櫃設計及用色比較傳統，未必能配襯家居設計。Bosch就話畀用家知，原來雪櫃都可以玩色，在新推出Vario Style系列無霜雪櫃中就加入更換門板元素，想隨時為雪櫃換色都得！
Vario Style無霜雪櫃用上現時流行的上格保鮮、下格冷藏設計；上方保鮮櫃更分成上下層，上層提供到「冰鮮」貯存，適合放魚類鮮肉，下層則適用保持鮮果及蔬菜。由於門格用上隱藏式掛鈎及磁鐵貼合技術，要更換門板都好方便，而且上下格門板更亦能上不同顏色玩Mix & Match。Bosch為Vario Style設計了19款顏色門板，顏色選擇相當多，但當中3款要到6月底才會抵港。買機時可以選擇一款顏色門板，另外要配多一款顏色門板就要二千多元，貴唔貴就等大家衡量，不過玩得型格款式點都要付出少少。
Bosch Vario Style雪櫃／售價：$9,800
門板／售價：$2,800（每款顏色）
記者、攝影：布偉倫
全新旅遊專頁，即like籽想旅行： https://fb.com/travel.appleseed