「細旗」（短程）唔做、機場嫌遠、過海唔識路，香港的士司機可以話係服務業界嘅打工皇帝，「優點」多多嘅香港的士司機，估唔到仲揚名海外，連國際數碼產品大品牌Apple都唱佢哋。Apple嘅YouTube頻道早兩日出咗條片，用Animoji效果整咗條MV，內容係咩呢？就係馳名中外嘅的士大哥喇！
但首歌唔係講的士嘅拒載問題，而係講的士司機為咗走多幾轉，所以越揸越快，對香港人嚟講見怪不怪，但對外國人嚟講，每次上的士就要預備面對死亡咁，呢首歌正正唱出佢哋嘅心聲。
歌詞提到香港的士司機點解咁匆忙，令到乘客如坐針氈，仲會問乘客旅行開唔開心？但其實作為遊客好驚，驚到縮埋一嚿。短片放上網短短兩日，點擊率已去到800萬，令到香港的士揚名海外。