有人話廣東話粗口係香港文化嘅精髓，每遇到外國人以半鹹不淡嘅口音講廣東粗口，總讓人會心微笑。
近日熱傳一條短片，疑似醉酒乘客要求司機載佢到洗手間如廁，小巴司機因未能即時駛至廁所被責罵，心生不忿「一定要同你方便屙尿㗎？」醉客不滿爆粗斥司機態度差，「咁臭寸做乜X嘢，你老母臭X」，總之其後兩人粗口橫飛互罵，都幾惹人注意。
而喺司機駛至油站指有廁所，醉酒客欲下車之際，司機就將佢拉落車仲有動作，醉客不忿追上欲還手，一名黑人突然出現擋住，將醉客推開，仲突然以純正廣東話爆咗一句：「X你老味X！」跟進喝令「Hey Go！What the fxxk man！」霸氣盡露，成功擊退醉酒客，小巴司機隨即上車駛走。
雖然出手打人唔啱，但網民卻又紛紛對小巴司機行為讚好，仲盛讚黑人和事老講廣東粗口「好正」，形容佢係「香港黑豹」喎。