已貴為政協副主席嘅前特首梁振英，早排出席活動時為唱好中國，大大聲話今日年輕人面向中國充滿希望，所以佢3個仔女都冇英文名同外國護照。
唔提老婆入籍英國
有政界中人質疑，點解佢又唔提太太梁唐青儀曾有英籍，仲改埋英國人嘅姓？另一政界人士仲話，佢形同向一些領導人打臉。
有政界中人話，梁振英講呢番話時，唔知記唔記得佢太太曾被揭發，後生時跟隨英籍親戚改姓Higgins，之後仲成功入籍英國？另一政界人士仲話，佢同內地一啲官方人士講開，對方話689不懂國情，話任何有關官員子女有冇外籍問題，都係敏感話題，因為太多人有！好似新任人民銀行行長易綱就被揭佢個仔不只有美籍，仲係美國出世！怕且唔少內地官員聽到梁呢番話，心入面一定覺得係咪想打佢哋臉？