首階段眾籌極速達標嘅「天下為公」計劃，除咗fb有「天下為公」4隻靚靚毛筆字做logo，開記招時亦用上呢4隻字做背景，究竟呢4隻大字，係出自邊一位大師之手？
笑言達標唔關佢事
八方打聽過，原來呢手咁靚的字，並唔係喺網上搵又或者搵設計公司整，而係出自白鴿黨副主席、南區區議員羅健熙手筆。
八方問過羅健熙，佢話當日喺黨友邀請下，用行書風格寫咗大約7、8幅「天下為公」，之後就採用咗，佢對效果都好滿意。原來佢冇跟過乜師傅學寫毛筆字，只係早年當選區議員後，因為要幫街坊寫揮春，所以不斷臨摹同自學，透露寫「天下為公」呢幾隻字，最緊要有氣勢，寫時要着重粗獷、有力。對於話咁快首階段籌款達標，羅笑言同佢呢4隻字無乜關係，而係因為好多巿民覺得UGL案好有問題。