近日網上瘋傳一段短片，一名女子因未能上機大發雷霆，但登機櫃台嘅地勤未有動怒，反而多番向乘客解釋，最後女子爆粗離去地勤都冇嬲嬲豬，網民激讚地勤，鬧爆乘客無品。
「我跑過嚟㗎！仲要補錢？」
有網民喺多個群組發佈兩條短片，片中所見一名女子同男子與友人因趕唔切登機而向地勤發怒，地勤要求對方額外付費購買另一航班機票，女子即大鬧：「我跑過嚟㗎！仲要補錢？冇嘢呀！」地勤多次強調飛機已起飛，建議乘客補購另一機票，女乘客則一味大發雷霆。另一片段相信係後續，地勤多次解釋飛機延遲起飛涉及安全問題，並提供下一航班資料，但呢名女子繼續「爆粗」謾罵：「咁你安排下一班畀我啦！快啦！九唔X搭八！」隨後身旁嘅男子則向地勤致歉。
二人身後友人批評港航服務欠佳，疑同港航有關。《蘋果》向港航查詢，港航回應因無資料顯示個案發生時、地、人同港航有關，暫難以評論。
識睇睇留言
Peter Sze：飛機唔等人係常識，呢個港女第一次去旅遊？時間一過，邊間航空公司都唔畀客人上機。
Winnie So：明知自己錯，請有禮貌對待職員。
Wing Chow：香港女性就係俾呢啲極品影衰晒，遲到仲聲大大，架飛機又唔係佢（地勤）揸走嘅，鬧佢有乜嘢用？
資料來源：《蘋果》網頁