絕地反擊！上周六英超頭場，過去兩場英超不勝的車路士，作客落後兩球下憑後備入替的「銀河唯一」基奧特梅開二度，結果成功以3:2反勝修咸頓，一洗近期頹風。
兩支球隊將在下周日於英格蘭足總盃四強再次碰頭，但車路士未見任何保留，可是開賽初段防線已告失守。修咸頓左閘賴恩貝特蘭左路快放，壓入禁區傳中予12碼點的杜辛泰迪治門前掃入，領先1:0完半場。車路士換邊後加強攻力，一度圍攻修咸頓，可惜於60分鐘再因後防走漏對手，被於英超首次上陣的波蘭後衞碧拿歷克射成2:0。
修咸頓四連敗形勢不妙
本以為車路士大勢已去，但干地及後換入基奧特，將局勢全面扭轉。基奧特先在70分鐘接應馬高斯阿朗素左路傳中頂入破蛋，拉近比數；車仔其後在75分鐘，靠韋利安左路傳急勁地波，夏薩特禁區接應抽入追成平手。三分鐘後，車仔藉一次罰球攻勢，修咸頓後衞未能成功解圍，被基奧特於禁區內再抽入，梅開二度助球隊反敗為勝。今季這位法國前鋒分別代表阿仙奴及車路士，均成功在聖瑪莉球場入球，可謂「聖人剋星」；而修咸頓吃下英超四連敗，降班危機越來越大。
另外，英格蘭球員先生公佈最後六強名單，分別有穆罕默德沙拿、奇雲迪布尼、哈利卡尼、大衛施華、利萊辛尼，與及迪基亞入圍競逐獎項。
文：亨少