數近日最有話題性的潮物，必定是SUPREME × RIMOWA行李箱，消息一出，網上即時引起潮人們熱烈討論。這個在星期六（4月14日）正式在香港開賣的最潮之篋，實物跟網上相片一樣咁有型，用上RIMOWA相當經典的Topas Multiwheel款式，配上大大個Supreme標誌。設有紅及黑兩色，紅色固之言搶眼度訩滿分，亦有百分百SUPREME feel，不過其實黑色也同樣精采有型，外形完全冇得輸。這潮篋有45L和82L兩個size，不過香港暫時就只有45L發售，售價為$15,600，相比普通版同款Topas Multiwheel款式（$8,080）貴差不多一倍，值唔值就見仁見智，不過網上就已經有不少潮人出價到$20,000至$22,000來買它，所以說潮流嘅嘢你懂個篋咩。
雖然你可能覺得貴，不過佢嘅設計又的確是頗有心思的，內外都滿有SUPREME細節，好像篋中的內櫳布料和魔術貼位都有SUPREME字樣，隨篋更有印上SUPREME和RIMOWA的皮製行李牌，更不少得有特別設計的貼紙，絕對有誠意 足夠令粉絲心動。
最後一提是，星期六在中環期間限定店開賣，只限之前已收到SMS的中籤人士購買，沒中籤的去都冇用。不過你又唔使灰心，因為星期六（4月14日）早上10時，網上會再開放抽籤登記，想買的記緊準時上網了！
記者：韓繼聰
攝影：周芝瑩
全新旅遊專頁，即like籽想旅行： https://fb.com/travel.appleseed