韓劇《大話妹》嘅33歲女星李多海，2005年憑韓劇《大話妹》紅遍亞洲，亦令佢早年密密返內地搵真銀。
不過李多海多年來嘅樣貌變化好大，所以不時陷入整容疑雲。當年佢拍攝《大話妹》時，粉絲都被佢可愛吸引，不過自從佢人氣急升後，樣貌就變化越來越大。前年喺內地出席活動時，更被拍得蘋果肌顯得凸出來之餘又呈下垂狀，又被指臉僵。而近日李多海忙於拍攝SBS新劇《善良魔女傳》，喺劇中仲一人分飾兩角，飾演雙胞胎姊妹。
而喺前日公開嘅最新劇照中，李多海着上好似婚紗一樣嘅白色晚裝登場，不過睇佢個樣就好似又有進化，塊臉尖咗之餘，個樣仲變得有啲似韓劇《Mother》39歲女星李寶英，唔知李多海嘅歌手男友SE7EN又點睇呢？