踏入季中階段，新開倉之麥菲文成績持續回升，單是3月份已先後勝出「龍串鳳」、「好吉利」及「精英寶貝」，創下個人單月贏馬最多紀錄，總頭馬數字亦升至10Win，似乎已漸適應本地練馬環境。
下周一（4月2日）沙田賽事，麥菲文將一對王牌馬「駿風馳」及「佳知武仕」齊齊交由雷神莫雷拉執韁，睇番此對騎練今季於田草賽事合作一匹王牌馬「龍串鳳」即勝，以上兩駒已露出擊意圖。
第九場三班1600米，「駿風馳」在港兩戰雖然未能上名，但兩次皆交出全場最快末段時間追得接近，可見質素絕不差，進一步增程至1600米，估計更合這匹後上馬發揮，只負119磅有力打開在港勝利之門。
第十場三班1400米，「佳知武仕」前仗在港初出難以望空下，仍追近得第五名，只輸約一身位；上仗同程1400米快步速下跟前不利，才於末段力弱落第，復課親自由莫雷拉接手試閘，跑第四走勢不差，已摸準性能，做足工夫而來隨時取得突破。