迪士尼噚日宣佈舉辦橫跨春夏兩季嘅「迪士尼巨星嘉年華」，當中迪士尼首創嘅We Love Mickey!大街投影盛演，會透過嶄新嘅視覺特效同晚間燈光效果，每晚將美國小鎮大街幻化成米奇星光大街（圖），米奇更會盛裝現身。迪士尼三間主題酒店亦會喺復活節檔期舉辦戶外嘉年華，遊客亦可以喺客房「尋蛋」，將迪士尼花蛋帶番屋企。
迪士尼又預告，加利布尼市集會喺今個月30日開幕，提供多款互動遊戲。而首個擴建計劃娛樂項目魔海奇緣凱旋慶典亦會喺5月登場。大街水花派對亦喺今年夏天推出，《超人特工隊》同《反斗奇兵》角色沿美國小鎮大街表演，到時仲會水花四濺㖭！