要數近年政壇女神，一定唔少得青年新政游蕙禎，不過亦都有人笑佢係女版張耀揚。近日facebook流行一個將男女性別互換嘅App，可以將人由男變女，女變男，八方發現游BB都有玩埋一份，仲將結果上載fb，「變性」之後嘅游BB由靚女變成靚仔，顏值仍然係100分呀。
被DQ嘅游BB淡出政壇後都較少曝光，只係不時喺fb上載照片更新近況。近日游BB試玩個男女性別互換嘅fb App，將原有長髮大眼look變成男人樣。「變性」之後嘅游BB變成一個秀氣美少年，仍然係白淨大眼，只係頭髮變短，仲更加留言話「真係東星」，將網民笑佢似電影《古惑仔》內東星耀揚嘅事拎嚟自嘲，完全罔顧自己女神形象，睇嚟游BB都非常豁達喎！