工業界立法會議員吳永嘉噚日同廠商會會長吳宏斌及自由黨黨魁鍾國斌等開記招，向政府爭取工業界前議員林大輝任內爭取多年、但仍未見政府肯做嘅修改稅務條例第39E及16EC條嘅訴求，建議容許香港公司喺境外使用嘅機器設備同知識產權資本開支可以扣稅。
吳永嘉話早前已將相關研究交咗畀財爺陳茂波，而見完財爺後，佢喺特首大會質詢娥特有關39E嘅問題時竟然獲得前所未有嘅正面回應，相信陳茂波應該同特首溝通咗。
吳永嘉仲意有所指稱，相信政府會回應訴求：「一啲冇林鄭特首咁新思維、咁創新、咁海闊天空政治理念嘅特區官員咪會阻囉。」呢屆政府同上屆相比少咗乜嘢阻力？大家心知肚明。