西甲一哥巴塞隆拿喺周四嘅西班牙盃四強首回合，主場以1:0險勝華倫西亞，喺兩回合制嘅賽事入面先拔頭籌。巴塞派出碧基、蘇亞雷斯同埋美斯等主力出擊，雖然上半場冇交收，但喺下半場67分鐘終於打破僵局，由美斯喺禁區內近底線位置傳中，遠柱位置無人看管嘅蘇亞雷斯俯身飛頂入網，令巴塞帶住一球優勢出戰次回合，而呢場波亦令佢哋將西盃主場不敗戰績延長到五年咁耐。