近年香港網台林立，除咗靠廣告維皮外，訂戶畀嘅月費都係其中一個主要收入，通常網台都用PayPal收月費，不過如果PayPal突然凍結個戶口，咁就大件事！最近陶君行就同八方呻，PayPal失驚無神凍結咗花生台戶口，除咗收唔到月費，連戶口入面嘅錢都拎唔到，最麻煩係PayPal到𠵱家都冇話畀佢聽，點先可以解凍。
阿陶同八方講，之前收過PayPal電郵查詢，問佢係咪政治人物以及花生台生意模式。阿陶話佢只係一個喺網台開咪食花生嘅主持，點睇都唔係政治人物，所以咪照直講，點知都係俾PayPal凍結花生台個戶口，好多畀開月費嘅聽眾入唔到錢都好勞氣，而花生台亦用唔到戶口入面嘅錢畀日常開支，只好佢由自己出住先，但長此下去唔係辦法，希望PayPal快快講清楚點先可以解凍戶口。