情人節嘅指定動作，冇理由唔係放閃啩？如果可以喺逾9米嘅長長久久幸福光影長廊，掛上愛情許願牌，並喺閃亮LED燈星光櫻花樹中締造心動時刻，咁鬼浪漫，又無理由唔影番張相開心share放閃一番！
MOKO新世紀廣場即日起至2月25日，就為一對對愛侶籌備連串放閃嘅浪漫約會，除咗上述甜蜜蜜活動，90後美女花藝師Rosie （張小娜） 更會主理「光‧花蜜語許願瓶」手藝坊，等大家以手作仔傳情。生於1992年嘅Rosie本來任職廣告界，後嚟全心投入花藝手作，佢好希望透過有溫度嘅手感作品感動身邊嘅人，為大家打造最窩心嘅禮物。