英國《BBC》報道，上月中喺巴黎聖日耳門（PSG）一球小勝南特嘅法甲聯賽入面，俾24歲南特後衞迪亞高卡路士意外掃跌，其後出腳踢人報復並向對方出示第二面黃牌趕出場嘅球證卓普朗，周四被法國聯賽紀律委員會判罰停止執法半年，但當中有一半刑期係緩刑。45歲嘅卓普朗賽後曾經道歉，並代為要求撤銷迪亞高卡路士嘅第二面黃牌，但仍難以逃過被罰嘅命運。