農曆賀歲煙花匯演喺年初二晚8點開始，維港上空會綻放28,999枚煙花，歷時23分鐘嘅匯演分為8幕，最矚目當然係今年生肖嘅「狗仔頭」圖案，會在匯演嘅約第11分鐘出現，另外亦有象徵財源滾滾嘅金元寶、人緣旺盛嘅桃花等圖案。
最後一幕《共創未來》都幾得意，會有象徵香港靈活同創意精神嘅七巧板元素，透過五彩繽紛嘅煙花組成一個個幾何圖案，構成立方體煙花，原來係祝願香港經濟穩步上揚，社會和諧。
今年煙花匯演獲其士集團贊助880萬港元，設計煙花匯演嘅港星多媒體製作有限公司行政總裁毛偉誠說，今年除咗有3艘躉船，亦首次加入4艘浮船，增加煙花發射角度，會同躉船形成嘅兩個大小銀幕，組成煙花陣，震撼力肯定更大。