三部曲最後一集嘅《移動迷宮：死亡解藥》（Maze Runner: The Death Cure）已在世界各地陸續開畫，香港票房亦相當理想，上映三天累積票房已達千萬港元。
英國女星卡雅史葛拉迪奧（Kaya Scodelario）憑《移動迷宮》系列上位，又有份演出去年上映嘅《魔盜王》系列第5集《加勒比海盜：惡靈啟航》（Pirates of the Caribbean：Dead Men Tell No Tales），而卡雅感情生活同樣美滿，與《吸血鬼獵人：林肯》（Abraham Lincoln： Vampire Hunter）男星班哲文域加（Benjamin Walker）結婚後已榮升媽咪，日前又拖埋老公出席《移動迷宮：死亡解藥》倫敦首映禮。
荷李活「Time’s Up」活動持續有不少女星勇敢站出來，原來卡雅都曾經係受害者，佢月前自爆12歲時已遭人侵害，更要把悲傷經歷藏喺心中13年，佢指當年於巴西受到侵害，男方獲其家人維護，令卡雅一直啞忍多年。卡雅目前已走出陰霾，與丈夫組織幸福家庭過美滿生活。