日本男星成宮寬貴前年因涉毒宣佈引退，一度遠赴歐洲及到東南亞一帶避風頭，最近就盛傳佢密謀復出，不時在Instagram透露近況。
成宮寬貴嘅同志身份一直係公開嘅秘密，有指當地已有出版社斟佢出書爆料，而報章《東京Sports》就爆料指，成宮同日本樂壇一位同志歌手感情要好，原來去年夏天，呢位未出櫃嘅男歌手安排成宮到自己男友寓所避開傳媒耳目，而男歌手同另一半交往多年都居住同區，又一直過半同居生活，由於三人都好少外出，所以當時冇被傳媒發現。報道亦有俾晒貼士，指成宮曾於節目上公開同呢位男歌手嘅友好關係。
唔少網民都好奇內文所指嘅男歌手係邊位，有人就翻查資料，發現成宮幾年前曾上節目《笑吓無妨！》致電平井堅，當時觀眾對二人係好友都感到意外，令二人嘅好友關係又成網上熱話。